Croeso i Ganolfan Gynadledda Hafren

Y Brif Gyrchfan Cynadleddau a Chyfarfodydd yng Nghanolbarth Cymru

Mae awditoriwm y theatr a'n hystafelloedd cynadledda wedi'u cyfarparu'n llawn ar gael ar gyfer cynadleddau, cyfarfodydd busnes, gweithdai, hyfforddiant a digwyddiadau arbennig. Gydag arlwyo sy'n gweddu i bob gofyniad, mae Canolfan Gynadledda Hafren yn cynnig amgylchedd proffesiynol ac addas i fusnes, sy'n hyblyg wrth ddarparu ar gyfer amrediad mawr o niferoedd. Mae ein tîm ymroddedig wrth law i helpu sicrhau bod eich digwyddiad yn llwyddiant.

Rydym wedi'n hadeiladu ar gyfer busnes....

Gyda gofodau hyblyg ni allai hurio fod yn fwy hwylus! Rydym yn codi un ffi cystadleuol sy'n cynnwys mynediad i wifi, bwrdd gwyn rhyngweithiol, taflunydd, siart troi a phinnau'n safonol felly does dim costau cuddiedig ychwanegol! Mae'r holl gyfleusterau Cynadledda wedi'u lleoli ar y llawr gwaelod, gan eu gwneud yn addas o ran mynediad hwylus. Hefyd, mae ein tîm ar gael trwy'r amser i roi unrhyw gyngor ac arweiniad y gallai fod eu hangen arnoch ar y dydd.

Rydym yn fwy na Theatr yn unig!

• Mae gennym bedair ystafell Gynadledda ar gael i'w hurio ar gyfer cynadleddau, cyfarfodydd busnes neu ddigwyddiadau eraill gan gynnig trefniadau seddau hyblyg a all ddarparu ar gyfer niferoedd rhwng 12 ac 90 o bobl.


• Rydym yn cynnig detholiad o wahanol fathau o de, coffi a siocled poeth. Gall y cleient ddewis darparu diodydd poeth a thalu amdanynt mewn bil unigol, neu gallwch roi slot talu i mewn er mwyn i bob mynychai dalu am eu diodydd eu hunain. Gallwn gynnig arlwyo sy'n gweddu i bob gofyniad hefyd.


• Os oes angen hyd yn oed yn fwy o le ar gyfer eich cynhadledd, gallwn gynnig y defnydd o Theatr Hafren ar gyfer hyd at 500 o bobl, gan ddibynnu ar yr arddull seddau, yn cynnig y mantais o wasanaeth technegol proffesiynol llawn yn y fan a'r lle i sicrhau'r sain, goleuo a chyflwyniadau gorau posib ar gyfer eich digwyddiad.